ប្រអប់បញ្ញើសុវត្ថិភាព

ប្រអប់បញ្ញើសុវត្ថិភាព របស់ធនាគារ វីង គឺជាសេវាថ្មីមួយដែលផ្តល់ជូននូវសុវត្ថិភាព និងភាពងាយស្រួល ដល់អតិថិជនក្នុងការរក្សាវត្ថុមានតម្លៃ ក៏ដូចជាឯកសារផ្សេងៗ។ យើងផ្តល់ជូននូវប្រអប់សុវត្ថិភាពដែលមានគ្រប់ទំហំ សមស្របទៅតាមតម្រូវការប្រើប្រាស់របស់អតិថិជន—មិនថាជាប្រអប់សុវត្ថិភាពទំហំតូច ដើម្បីរក្សាទុកនូវគ្រឿងអលង្ការ ឬក៏ប្រអប់សុវតិ្ថភាពដែលមានទំហំធំ សម្រាប់រក្សានូវឯកសារមានតម្លៃ។ ជាមួយសេវាថ្មីនេះ លោកអ្នកនឹងទទួលបានភាពងាយស្រួល និងមានទំនុកចិត្តខ្ពស់ ដែលរបស់មានតម្លៃរបស់លោកអ្នកត្រូវបានរក្សា និងការពារយ៉ាងល្អពីធនាគារ យើងខ្ញុំ។ 

លក្ខខណ្ឌ

• ផ្តល់ជូនទាំងអតិថិជនជា រូបវន្តបុគ្គល និងនីតិបុគ្គល
• អតិថិជនតម្រូវឲ្យមានគណនី ធនាគារវីង ដើម្បីប្រើប្រាស់សេវាកម្មនេះ
• អតិថិជនតម្រូវអោយដាក់ប្រាក់តម្កល់ $200 ជាមុន ហើយប្រាក់តម្កល់នោះនឹងផ្ទេរត្រឡប់ទៅអតិថិជនវិញ ពេលដែលកិច្ចព្រមព្រៀងជួលត្រូវបានបញ្ចប់។
• ថ្លៃសេវាប្រចាំឆ្នាំនេះត្រូវបង់ជាមុន ហើយនឹងត្រូវបានកាត់ចេញពីគណនីធនាគារ វីង របស់អតិថិជននៅពេលដែលចុះឈ្មោះ
• នៅពេលដែលមានការផ្លាស់ប្តូរថ្លៃសេវាប្រចាំឆ្នាំ នោះថ្លៃសេវាថ្មីនឹងត្រូវអនុវត្តនៅឆ្នាំបន្ទាប់
• ធនាគារ វីង រក្សាសិទ្ធកែប្រែថ្លៃសេវាប្រចាំឆ្នាំ ដោយពុំចាំបាច់ជូនដំណឹងជាមុន