ក្រសួងសាធារណការ និងដឹកជញ្ជូន

លក្ខខណ្ឌ៖

ដើម្បីស្នើសុំសេវាកម្មខាងលើ អ្នកត្រូវតែអនុលោមតាមខចែង និងលក្ខខណ្ឌរបស់ក្រសួងសាធារណការនិងដឹកជញ្ជូន។ វីងគ្រាន់តែជាមធ្យោបាយក្នុងការទូទាត់វិក្កយបត្រ និងផ្តល់នូវភាពងាយស្រួលជូនលោកអ្នកតែប៉ុណ្ណោះ។

1. អ្វីទៅជាសេវាកម្មតាមអនឡាញរបស់ក្រសួងសាធារណការ និងដឹកជញ្ជូន?
   A: ជាមួយនឹងសេវាកម្មតាមអនឡាញនេះ លោកអ្នកអាចធ្វើប្រតិបត្តិការផ្សេងៗ និងដាក់ពាក្យស្នើសុំប្រើប្រាស់សេវាកម្មសាធារណៈរបស់ក្រសួងសាធារណការ និងដឹកជញ្ជូនដូចជា សេវាកម្មចុះបញ្ជីរថយន្ត និងទិញផ្លាកលេខរថយន្ត សេវាកម្មត្រួតពិនិត្យលក្ខណៈបច្ចេកទេសយានជំនិះ សេវាកម្មផ្តល់បណ្ណបើកបរយានយន្ត និងសេវាកម្មស្នើសុំលិខិតអនុញ្ញាតធ្វើអាជីវកម្មដឹកជញ្ជូន តាមរយៈប្រព័ន្ធអ៊ីនធឺណេត។
2. តើត្រូវធ្វើដូចម្តេចដើម្បីប្រើប្រាស់សេវាកម្មទាំងនេះ?
   A: អ្នកអាចចូលទៅកាន់តំណភ្ជាប់ណាមួយរបស់ក្រសួងសាធារណការ និងដឹកជញ្ជូន បន្ទាប់មកធ្វើការបំពេញនូវព័ត៌មាន និងឯកសារដែលចាំបាច់។ ។ បន្ទាប់មក អ្នកអាចធ្វើការទូទាត់វិក្កយបត្រសេវាកម្មទាំងនោះជាមួយនឹងគណនីវីងរបស់អ្នក ដោយបញ្ចូលលេខគណនី និងលេខកូដសម្ងាត់។ សូមធ្វើការបោះពុម្ពនូវវិក្កយបត្រដែលបានទូទាត់រួចទៅកាន់បញ្ជររបស់ក្រសួងសាធារណការ និងដឹកជញ្ជូនដើម្បីបញ្ចប់ប្រតិបត្តិការស្នើសុំសេវាកម្មរបស់លោកអ្នក។
3. តើខ្ញុំអាចធ្វើការកក់ទុកផ្លាកលេខដែលខ្ញុំពេញចិត្តដោយមិនទាន់មានគណនីវីងដែរ ឬទេ?
   A: ទោះបីជាគ្មានគណនីវីង អ្នកក៏នៅតែអាចធ្វើការកក់ទុកផ្លាកលេខដែលអ្នកពេញចិត្តបានដោយគ្រាន់តែធ្វើការបំពេញនូវព័ត៌មាន និងឯកសារដែលចាំបាច់រួចធ្វើការជ្រើសរើសយក No Wing Account ក្នុងដំណាក់កាលទូទាត់វិក្កយបត្រ។បន្ទាប់មក អ្នកអាចធ្វើការបោះពុម្ពនូវវិក្កយបត្រដើម្បីធ្វើការទូទាត់នៅភ្នាក់ងារវីងណាមួយដែលនៅជិតលោកអ្នក។ក្រោយពេលទូទាត់រួច សូមទៅកាន់បញ្ជររបស់ក្រសួងសាធារណការ និងដឹកជញ្ជូនដើម្បីបញ្ចប់ប្រតិបត្តិការស្នើសុំសេវាកម្មរបស់លោកអ្នក។