ទទួលប្រាក់ផ្ទេរមកកម្ពុជាតាម SWIFT
ពីទូទាំងពិភពលោកដោយឥតគិតថ្លៃ

កុម្ភៈ 23, 2024

ធនាគារ វីង មានប្រូម៉ូសិនពិសេសសម្រាប់អតិថិជនដែលមានបំណងចង់ធ្វើប្រតិបត្តិការផ្ទេរចូល ឬទទួលប្រាក់ពីជុំវិញពិភពលោកចូលទៅក្នុងគណនីធនាគារ វីងរបស់ខ្លួនក្នុងប្រទេសកម្ពុជា តាមរយៈ Swift  ដោយ “ឥតគិតថ្លៃសេវា” ។ ការផ្តល់ជូននេះ បង្កើតឡើងជាពិសេស ដើម្បីជួយសម្រួលដល់ការសន្សំសំចៃថវិកា ចំណាយពេលតិច ក៏ដូចជាធ្វើឱ្យប្រតិបត្តិការផ្ទេរប្រាក់របស់អ្នកកាន់តែងាយស្រួល និងរលូនជាងមុន។ 

រយៈពេលប្រូម៉ូសិន៖ ចាប់ពីថ្ងៃនេះ រហូតដល់ថ្ងៃទី 31 ខែធ្នូ  ឆ្នាំ 2024 

លក្ខន្តិក

ប្រូម៉ូសិននេះអនុវត្តសម្រាប់ការទទួលប្រាក់ផ្ទេរពីក្រៅប្រទេសចូលមកគណនីធនាគារ វីង តាមរយៈ Swift ។
អ្នកទទួលប្រាក់ត្រូវតែមានគណនីធនាគារ វីង ដែលមានអត្តសញ្ញាណពេញលេញជាមុនសិន។
ធនាគារ វីងរក្សាសិទ្ធក្នុងការកែប្រែ ឬលុបចោលការផ្តល់ជូននេះដោយគ្មានការជូនដំណឹងជាមុន។
លក្ខខណ្ឌនានារបស់ធនាគារ វីងទាំងអស់ត្រូវបានអនុវត្ត។

សម្រាប់ព័ត៌មានបន្ថែម សូមអញ្ជើញមកកាន់សាខាធនាគារ វីង ណាមួយដែលនៅជិតលោកអ្នក ឬទំនាក់ទំនងមកកាន់ផ្នែកបម្រើអតិថិជនរបស់យើង តាមរយៈ care.centre@wingbank.com.kh ឬ ទូរសព្ទមកលេខ៖ 023 999 989 / 012 999 489។ 

សំណួរញឹកញាប់

- - ១. តើអ្វីទៅជា ការទទួលប្រាក់ផ្ទេរពីក្រៅប្រទេស (Inward Remittance ឬ Inward Telegraphic Transfer)?
    
    ការទទួលប្រាក់ផ្ទេរពីក្រៅប្រទេស (Inward Remittance) គឺជាសេវាទទួលប្រាក់ ដែលធ្វើឡើងជាលក្ខណៈបុគ្គល ឬគ្រឹះស្ថាន សហគ្រាសទាំងឡាយ តាមរយៈដៃគូផ្ទេរប្រាក់របស់ធនាគារ វីង ហើយអនុវត្តសម្រាប់តែរូបិយប័ណ្ណដុល្លារ ប៉ុណ្ណោះ។ 
  - ២. តើតម្រូវការសម្រាប់ការទទួលប្រាក់ផ្ទេរមានអ្វីខ្លះ?
    
    អ្នកទទួលត្រូវតែមានគណនីធនាគារ វីង ពេញលេញជាមុនសិន។
  - ៣. តើខ្ញុំអាចទទួលប្រាក់ផ្ទេរដោយរបៀបណាខ្លះ?
    
    ងាយៗ! ទឹកប្រាក់នឹងផ្ទេរចូលគណនីវីងរបស់អ្នកដោយផ្ទាល់ ដោយមិនចាំបាច់ត្រូវទៅកាន់សាខាដើម្បីដកប្រាក់នោះឡើយ។ 
  - ៤. តើអ្វីជាលេខ SWIFT កូដ របស់ធនាគារ វីង? 
    
    SWIFT កូដរបស់ធនាគារ គឺ WIGCKHPP ។
  - ៥. តើការទទួលប្រាក់ពីក្រៅប្រទេសត្រូវចំណាយពេលប៉ុន្មាន? 
    
    ជាធម្មតាដំណើរការផ្ទេរប្រាក់ពីក្រៅប្រទេសមានរយៈពេល 2-3 ថ្ងៃ នៃថ្ងៃធ្វើការ។ 
  - ៦. តើអាសយដ្ឋានរបស់ធនាគារ វីងដែលត្រូវបំពេញទម្រង់បែបបទសម្រាប់ការផ្ទេរប្រាក់? 
    
    អាសយដ្ឋានរបស់ធនាគារ វីងដែលអ្នកអាចបំពេញក្នុងទម្រង់បែបបទនៃការផ្ទេរប្រាក់គឺ៖ វីងថៅវើ មហាវិថីព្រះមុនីវង្ស (៩៣) កែងមហាវិថីកម្ពុជាក្រោម (១២៨) ភូមិ ៦ សង្កាត់មនោរម្យ ខណ្ឌ៧មករា រាជធានីភ្នំពេញ។
  - ៧. តើចំនួនអតិបរមាសម្រាប់ការទទួលប្រាក់មានទំហំប៉ុន្មាន?
    
    ចំនួនអតិបរមាសម្រាប់ការទទួលប្រាក់ផ្ទេរ គឺគ្មានដែនកំណត់។
  - ៨. តើខ្ញុំអាចទទួលប្រាក់ផ្ទេរបានពីប្រទេសណាខ្លះ?
    
    បានគ្រប់ប្រទេស។
  - ៩. តើធ្វើដូចម្តេចដើម្បីបដិសេធ ឬប្រគល់ប្រាក់ត្រឡប់ទៅអ្នកផ្ទេរវិញ?
    អ្នកអាចទាក់ទងទៅកាន់អ្នកផ្ទេរដោយផ្ទាល់ ដើម្បីស្នើឱ្យគាត់សុំដកប្រាក់ផ្ទេរវិញ 
    
    ទំនាក់ទំនងមកកាន់សេវាបម្រើអតិថិជន របស់ធនាគារ វីង តាមលេខ (023 999 989 / 012 999 489) 
    
    ឬទៅកាន់សាខាធនាគារ វីង ណាមួយដែលនៅជិតបំផុត
  - ១០. តើខ្ញុំត្រូវធ្វើដូចម្តេចទើបអាចទទួលប្រាក់ផ្ទេរ ដោយឥតគិតថ្លៃសេវា? 
    
    អ្នកនឹងទទួលបានការផ្តល់ជូននេះ ដរាបណាអ្នកមានគណនីធនាគារ វីង ពេញលេញ មិនថាជាគណនីចរន្ត ឬគណនីសន្សំនោះទេ។  យើងក៏សូមណែនាំអ្នកឱ្យអ្នកបើកគណនីជារូបិយប័ណ្ណ ដុល្លារ សម្រាប់ការទទួលប្រាក់នានា។ 
  - ១១. តើថ្លៃសេវាសម្រាប់ការទទួលប្រាក់ផ្ទេរពីក្រៅប្រទេស ជាធម្មតាគិតយ៉ាងម៉េចដែរ?
    
    ថ្លៃសេវាសម្រាប់ការផ្ទេរប្រាក់ជាធម្មតាគឺ 0.10% នៃចំនួនទឹកប្រាក់ផ្ទេរសរុប ឬអប្បបរមា 10 ដុល្លារ។
  - ១២. ប្រសិនបើខ្ញុំចង់ផ្ទេរប្រាក់ទៅក្រៅប្រទេស តើខ្ញុំត្រូវធ្វើដូចម្ដេច?
    
    អ្នកអាចផ្ទេរប្រាក់ដោយផ្ទាល់តាមអេប Wing Bank ឬអញ្ជើញទៅកាន់សាខាណាមួយរបស់ធនាគារ វីង សម្រាប់ដំណើរការផ្ទេរប្រាក់។
  - ១៣. តើខ្ញុំអាចទទួលប្រាក់ផ្ទេរចូលទៅក្នុងគណនី ធនាគារ វីងរបស់ខ្ញុំ បានប៉ុន្មានរូបិយប័ណ្ណ?
    
    យើងផ្តល់ជូនសម្រាប់តែរូបិយប័ណ្ណជា ប្រាក់ដុល្លារ ប៉ុណ្ណោះ។