អំពី ធនាគារ វីង

ធនាគារ វីង ជាធនាគារសម្រាប់ប្រជាជនកម្ពុជា – ធនាគារ វីង ជាធនាគារដែលបានផ្លាស់ប្តូរវិធីដែលប្រជាជនកម្ពុជាប្រើប្រាស់សេវាហិរញ្ញវត្ថុរបស់ខ្លួន។ ចាប់ផ្តើមតាំងពីឆ្នាំ 2008, ធនាគារ វីង បានក្លាយជាធនាគារពាណិជ្ជ ហើយជាធនាគារដែលលូតលាស់លឿនបំផុត និងជាធនាគារដែលទទួលបានការជឿទុកចិត្តជាងគេមួយនៅកម្ពុជា។

ដោយមានចក្ខុវិស័យច្បាស់លាស់ក្នុងការប្រើដំណោះស្រាយហិរញ្ញវត្ថុឌីជីថលដើម្បីធ្វើឱ្យប្រសើរឡើងនូវជីវភាពរស់នៅប្រចាំថ្ងៃរបស់ប្រជាជនកម្ពុជាគ្រប់រូប, ធនាគារ វីង បានសម្រេចការលូតលាស់ដ៏អស្ចារ្យ និងបានបង្កើតប្រព័ន្ធអេកូស៊ីស្ទឹមដ៏ធំទូលាយបំផុតនៅប្រទេសកម្ពុជា។ ធនាគារ វីង មានសាខាចំនួន 23, មានភ្នាក់ងារជាង 11,000 កន្លែង, គាំទ្រអាជីវកម្មខ្នាតតូចនឹងមធ្យមជាង 170,000, និងបានផ្តល់សេវាកម្មជាង 100 ប្រភេទក្នុងអេបធនាគារ វីង។

ក្នុងឆ្នាំ 2023, វីងបានសម្ពោធអគារកណ្តាលថ្មី “វីងថៅវើ” ដែលស្ថិតនៅផ្លូវព្រះមុនីវង្ស នៅចំណុចសំខាន់នៅកណ្តាលរាជធានីភ្នំពេញ។ អគារនេះជានិមិត្តរូបនៃការប្តេជ្ញា ក្នុងការចូលរួមអភិវឌ្ឍសេវាហិរញ្ញវត្ថុឌីជីថលជូនប្រជាជនកម្ពុជា។

ធនាគារ វីង តែងតែបង្ហាញការប្តេជ្ញាចិត្តក្នុងការច្នៃប្រឌិតសេវាហិរញ្ញវត្ថុឌីជីថល ដែលរួមមាន៖ សេវាឥណទាន, ការដាក់ប្រាក់, ការផ្ទេរប្រាក់, ទូទាត់វិក្កយបត្រ, ប្រាក់បៀវត្សា, ការផ្ទេរប្រាក់អន្តរជាតិ, ការផ្ទេរប្រាក់ក្នុងស្រុក, ឥណទានឌីជីថល, និងសេវាផ្ទុកទូរស័ព្ទ។ វីងបន្តផ្តល់ដំណោះស្រាយហិរញ្ញវត្ថុដែលទូលំទូលាយដើម្បីបំពេញតម្រូវការរបស់ប្រជាជនកម្ពុជា។